المسخن الأردني :

فرخة مقطوعة نصفين ،تتبل ب ( ربع كوب سماق ، ملعقة كبيرة ملح ، ملعقة كبيرة فلفل اسود ، ملعقة كبيرة بهارات ، ملعقة صغيرة هيل ، رشة جوزة الطيب ، ملعقة صغيرة قرفة ) تخلطي كل البهارات مع بعض وتفرك بها الفرخة جيدا.
* نضع ربع كوب زيت زيتون على النار ويحمر الفراخ من الناحيتين. بعدين نضعها جانبا.
نصفي الزيت ثم نقلي فيها ثلاث بصلات كبيرة مقطعة مربعات صغيرة وترش قليلا بالملح والفلفل ورشة سماق.
* نضع الفراخ في صينية مع نصف كمية البصل وكوب ماء دافئ ويغطى بالفويل وتدخل الفرن على درجة حرارة متوسطة لمدة ساعة تقريبا.
لما تطلع من الفرن نشيل الفراخ في طبق ونضع في الصينية كوب مرقة فراخ وبقية البصل ونضعها على النار علشان نسخنها.
في طبق فرن نحط عيش الصاج ولو مفيش نضع عيش شامي واحد أو اتنين بعدين ترشي البصل بالشوربة بتاعته على العيش بعدين نضع الفراخ وندخله الفرن تاني لمدة عشر دقائق تقريبا أو نفتح الشواية ويقدم ساخنا طبعا. وبالهنا والشفا

كيكة التمر:

٤٠٠ جرام تمر منزوع النوى
١٥٠ جرام زبدة
١٥٠ ملل ماء
٣٠٠ ملل حليب مكثف
١٥٠ جرام دقيق
ربع ملعقة صغيرة بكينج صودا
ذرة ملح
نضع التمر مع الماء والحليب المكثف والزبدة على نار هادئة الى ان يطرى التمر. ثم نتركه يبرد
يخلط الدقيق مع البيكينج صودا والملح ثم يضاف لخليط التمر وتوضع في صينية مدهونة زبدة ومرشوشة دقيق
تدخل الفرن على درجة حرارة متوسطة لمدة ٤٥ دقيقة أو لحد ما تستوي

حلاوة الجبن

نص كوب سكر مع كوب ماء على النار عند الغليان نضع كوب سميد ناعم مع ربع كوب ماء ورد هتلاقيها لفت معاكي طبعا تقلبيها كويس عشان مش تلزق في قعر الحلة المهم بعد كدة نضيف كوب موزاريللا وكوب جبنة شلل ونكون نقعينها في مية قبلها بيوم علشان ميكونش فيها ملح خالص مع تغيير المية كل ساعتين مثلا توطي النار وتقلبيها لحد الجبنة تسيح والحاجة كلها كدة تلم معاكي. تكوني المفروض عاملة قشطة وشربات ثقيل اول ما تقفلي النار تكوني مجهزة المكان اللي هتفردي عليه العجينة مكان واسع وتدهنيه بالشربات وتصبي العجينة وتمسحيها بالشربات وتفرديها قبل ما تنشف عشان لو نشفت مش هتتفرد بس وبعد كدة تقعطيها مربعات في حجم معقول وتحشيه قشطة وترصي في الطبق وفي الآخر تزينيه بالفستق المفروم وساعة التقديم يقدم مع الشربات. وبس بالهنا والشفاه

كيكة البطاطا الحلوة:

كيلو بطاطا، شوية سكر ، شوية فانيليا، ذرة ملح، علبة قشطة ، كوب حليب نيدو، صباع زبدة
تسلق البطاطا جيدا ثم تقلب مع باقي المقادير وتوضع على النار الهادئة إلى ان تغلي قليلا ثم ندهن الصينية زبدة وتصب الكيكة إلى ان يتحمر الوش. وبس

سلاطة خضرا

انا النهاردة عملت سلاطة للي عايز يخس. فيها كل حاجة وبتشبع
خيار، طماطم، خس، بصل اخضر، زيتون اسود ، عيش محمص، ذرة صفراء، جبنة بيضة قليلة الدسم وممكن قريش ، وشوية ملح ، خل تفاح، شوية زيت زيتون، تونة أو صدر فرخة مشوية. وبس

ساندوتشات فراخ بالخضار

ساندوتشات من باقي الفراخ المشوية اللي كنت عاملاها أمبارح بأنني فصصتها وحطتها على النار مع بصل اخضر وطماطم واخدت تقليبه حلوة بعدين حطيت في الساندوتش مايونيز جرجير بطاطس محمرة وشوية شطة وآنتي وذوقك طبعا. الجديد بقى ان انا اللي عملت العيش. كوب ونص دقيق ملعقة وربع صغيرة خميرة وشوية ملح وماء للعجن بتعجنيها كويس وتسبيها ترتاح وبعدين تكوريها تقريبا ثمان كور وتسبيها ترتاح تقريبا ربع ساعة تاني. تحطي طاسة تيفال على النار وتسخن كويس وتفردي الكورة بالدقيق رفيع وتحطيها على الوشين ويبقى بالمنظر دا. وخللي بالك عشان مش بياخد وقت وكل رغيف يطلع تدهنيها خفيف بالسمنة وتغطيه عشان يفضل طري. وبس. طبعا ممكن تعملي اي ساندوتشات انتي عايزاها

كوكيز

كوب شوكلت شيبس تذوب في حمام مائي. نضرب نص كوب زبدة مع كوب سكر بني بعدين نضيف بيضة وفانيليا والشوكولا السايحة ونضربهم كويس بعدين نضيف كوب ونص دقيق مع ملعقة صغيرة بكينج باودر وذرة ملح وتقلبيها بالملعقة الخشب بعدين بملعقة الايسكريم نبتدي نحطها في الصينية وتخبز على نار متوسطة. وبس باهنا والشفا

حلى للقهوة

انا عملت حلو للقهوة ولو عندك ضيوف بتبقى حلوة وسريعة.
4 شوكولاتة مارس تسيح على النار في حمام ماية بعدين تحطي معاها 50 جرام زبدة يعني حوالي ملعقة كبيرة بعدين تشليها من على النار وتقلبي معاها 2 كوب ونص كورن فليكس وتكوريها وتحطيها في ورق الحلويات وتشليها في الثلاجة. وبس

مكرونة بالجمبري، شوربة وسلطة

.
المكرونة: تسلوقيها. تقشري الجبري وتشوحيه في حتة زبدة أو زيت زيتون مع فص ثوم مدقوق على نار عالية طبعا اول ما لونه اتغير يبقى هو كدة استوى لانه مش بياخد وقت تغطيه وحطيه على جنب.
تجيبي حلة برضو فيها زبدة أو زيت زيتون وخمس فصوص ثوم مفرومين وبصل اخضر يخدوا تقليبه ولون خفيف بعدين تفرمي شوية شبت وبقدونس وتعملي معاها تقليبه بعدين تحطي معلقتين كبار خل طبعا ملح وكمون وبهارات بعد ما الخل ياخد تقليبه حطي كوب كريمة، ممكن الاستغناء عن الكريمة بنص حليب قليل الدسم.  ياخد غلوة بعدين ضيفي المكرونة وقلبيهم كويس بعدين حطيها في طبق التقديم وعليها قطع الجمبري وأنا زينتها بالشبت أو طبعا زي ما انتي عايزة.
الشوربة:
طبعا اكيد مش هترمي روس الجمبري تحطيها في حلة مع بصلاية صغيرة وفص ثوم مقطع طبعا وماية وملح وكمون سبيها تغلي كتير بس ما تحطيش ماية كتير علشان النكهة لما تغلي في حلة تانية تشوحي فص ثوم مع بصلاية صغيرة مبشورة وتصفي شوربة الجمبري غلوة وحطي معاها اربع خمس معالق كريمة ( اختياري)
السلطة:
جرجير، خس، خيار، طماطماية صغيرة. تعملي الصوص الفرنسي( معلقة زيت ، نص لمونة كبيرة، ملح ، اخلطيهم كويس مع بعض هتتقل معاكي شوية حطيها على السلطة وقلبيهم. حطيت على الوش عيش محمص وكابوريا معرفش بيتقال عليها ايه هي اللانشون في قسم البقالة في السوبر ماركت.
وبس

البنجر

مقبلات:
بنجر : نجيب بنجر نغسله كويس ونعمل فيه شقوق بالسكينة بعدين نشويه في الفرن ولما وبعد ثلث ساعة تقريبا نقفل الفرن ونسيبه لحد ما يبرد بعدين نطلع البنجر ونقشره ونقطعه ونحط عليه صوص مكون من
( ملعقة كبيرة خل ، ملح كمون ، فص ثوم صغير مفروم ، ملعقة كبيرة زيت اخلطيهم كويس بالشوكة ويقلب مع البنجر بعدين دخليه التلاجة وبالهنا والشفا

الكانيلوني

كوب دقيق، كوب ونص حليب ، 3 بيض كله على بعضه مع حبة صغيرين ملح وشوية فلفل ممكن تحطيهم كلهم في الخلاط أسهل بتدهني الطاسة خفيف بالزيت وابداي اعمليه زي الأومليت. بعدين تحشيه. انا عملت لحمة مفرومة معصجة وتشكيلة جبن وصدور فراخ مكعبات ومستوية وسدق وعلى الوش صلصة وجبنة. ممكن يتعمل بالجمبري بس ساعتها حطي شبت وصوص ابيض مش احمر. وممكن كمان بالسبانخ والصوص برضو ابيض. وبس بالهنا والشفا

كب كيك

2 صباع زبدة بحرارة الغرفة تضربيهم كويس بعدين تضيفي 2 1/2 سكر تخفقيهم كويس لحد ما تبقى كريمية بعدين تضيفي 4 بيض تخفقي كويس بعد كل بيضة وماتنسيش الفانيليا
تقلبي في طبق تاني1كوب كاكاو مع 1 3/4 دقيق  1 م بكينج بودر وتضيفيهم شوية شوية على خليط البيض و الزبدة وفي الآخر نضع كوب حليب. وبس
الكمية دي كبيرة يعني ممكن تعملي نص الكمية

اكل صيني

تقطعي لحمة مكعبات وتشوحيها على نار عالية وتزويدها شوية ماية لحدماتستوي وتحطيها على جنب.
تقطعي بصل اخضر كرنب جزر جنزبيل انا ببشره كله شرائح رفيعة وعلى نار عالية مع شوية زيت زيتون وحطي اربع ملاعق صويا صوص بس تخللي بالك عشان الخضار ما يطراش. تكوني مجهزة ملعقة نشا كبيرة على ربع كوب ماء لما الخضار يجهز يعني خمس دقائق تقريبا تحطي اللحمة مع النشا وغلوة سريعة وطبعا كله على نار عالية تقفلي عليه ويقدم مع الأرز الأبيض. ويفضل انك تعملي الأكل ساعة الأكل

*عجينة العشر دقايق

القسم الاول :2 كوب دقيق
5 ملاعق لبن بودرة
2 ملعقة كبيرة خمبيرة
2 كوب ما دافي زي دمع العين
ربع كوب سكر
ذرة ملح
وبعديها تسيبيها حوالي 10 دقايق وفي البرد ده ربع ساعة وتحطي القسم التاني

القسم التاني:3 كوب دقيق
نص كوب زبده
باكو بيكنج باودر. واهم حاجة تعجني كويس أوي

تورتة الشيفون:

١ كوب دقيق ، ٣/٤ كوب سكر ، ١ملعقة صغيرة بيكينج باودر ، ربع كوب ماء ، ربع كوب زيت ، ربع كوب عصير ليمون اوبرتقال ، ٤حبات بيض مفصول البياض عن الصفار.
يتم ضرب الصفار مع  السكر والفانيليا والزيت حتى يصبح القوام كريمي ثم يضاف بالتدريج الدقيق مع البيكينج باودر بالتبادل مع الماء وعصير الليمون.
يتم خفق البياض بعد غسل المضرب وتنشيفه جيدا واضافة ربع ملعقة ملح عند بدأ تكون المارينج يضاف ربع كوب السكر ويضرب حتى يتكون المنقار ثم يضاف لخليط الدقيق ويقلب بخفة بمضرب سلك ثم يصب في قالب دون دهنه ويدخل الفرن الى ان تستوي وأول ما تطلع تغطيها كويس بكيس النايلون بتاع الأكل وتحطي عليه فوطة وتسبيها لحد ما تبرد خاااالص بعدين بسكينة عريضة خلصي الحواف واقلبي براحة.
الحشو:
 نص كوب كريمة بعد الخفق يضاف ملعقتين نوتيللا وملعقة كاكاو وتقلب ثم تحشى بها التورتة.
الغلاف :
 الحلوى الملكية : بياض بيضة، عصرة ليمون ، ذرة ملح، ربع كوب سكر ، ربع كوب ماية كله يتقلب مع بعضه بعدين نحطها على حمام ماية ونضرب بمضرب البيض على السرعة العالية الى ان يتكون المنقار بعدين نشلها من على النار ونحط عليها شوية فانيليا ويكمل خفقها شوية بعدين نبدأ نحطها بسرعة على التورتاية بالملعقة ونعمل الأشكال دي بظهر الملعقة وطبعا بتزودي كمية البياض على حسب حجم الكيكة يعني دي كانت صغيرة خالص فعملت بياض بيضة واحدة.

كلوب ساندويتش

سمك سلمون بالليمون:

نجيب السمك السلمون ونحط حتة زبدة صغيرة في الطاسة ولما تسخن كويس نحط شرائح السمك على الجانبين بعدين نضعه في صينية وندخله الفرن يكمل سواه في الوقت دا نعمل الصوص حتة زبدة أو زيت زيتون على النار ونبشر بصلة صغيرة ونشوحها بس من غير ما يتغير لونها بعدين بصل اخضر وطماطم مقشرة ومقطعة مكعبات تاخد تقليبه مع ملح وفلفل بعدين نحط شبت وشوية بقدونس وفي الآخر وليمونتين معصورة و ملعقتين ثلاثة كريمة ونقفل عليها في الوقت دا السمك هيكون استوى نغرف ونحط عليه الصوص وبس بالهنا والشفا

شوربة البصل الفرنسي

المقادير
حبة بصل كبيرة مقطع جوانح رفيعة
ربع اصبع زبدة + ملعقتين زيت نباتي
مكعب ماجي
رشة بهارات
ملعقة دقيق
الطريقة
تذوب الزبدة مع الزيت ثم يضاف البصل ويقلب لمدة ربع ساعة تقريبا الى ان ياخذ لون اشقر مايل للبني
وبعدها الدقيق ويقلب ونضيف الماجي وبعدها نضيف الماء المغلي
نضيف رشة البهارات والفلفل الاسود
ونترك الشوربة على نار هادية لمدة 10 دقايق حتى يستوي البصل
وبعدها نصب الشوربة في أطباق قابلة للحرارة
ونحط فوقها قطعة توست وتغطى بالجبن الموزاريللا وندخلها الفرن من فوق الى ان يتحمر الجبن
وبس بالهنا

مارون لى او كيكة الحليب المحمص

المقادير كوب لبن بودرة
نص كوب زيت
نص كوب سكر
خمس بيضات
فانيليا

الطريقة
نحمص اللبن البودرة فى طاسة على نار هادية لحد ما يحمر نسيبة يبرد
و نضرب السكر مع الزيت بمضرب الكهربا و نضيف البيض واحده واحده و نضيف الفانيليا لحد مايبقى هش و كريمى نضيف اللبن المحمص و نصب فى قوالب الكب كيك و فى صنية مدهونة و مبطنة عادى زى الكيك و نكون مسخنين الفرن على 150 درجه سليزيوس او نار هادية لو الفرن مش بارقام و نختبرها بالخلة اما تستوى تبقى نضيفه لما نحطها فى نص الكيك

جربوها هتعجبكوا اوى بجد كيكه هشة و خفيفة و من غير دقيق و طعمها حلو موت و بتتقدم مع صوص كراميل او اللى يعجبكوا

سوفليه عملته بالسبانخ والجبنة التركي

3 بيضات مفصول الصفار عن البياض وتعملي باشاميل ( 3 م ك دقيق 3 م ك سمنة كوب حليب ) ولما يتعمل الباشاميل نحط الصفار واحدة واحدة ويتقلب كويس وبعدين جبنة تركي وكوب سبانخ مستوية وشوية ملح وفلفل وبهارات.
نضرب البياض كويس وبعدين نحط عليه الباشاميل ونقلبه شوية شوية عشان مش يهبط وندهن صينية بايركس كويس بالسمنة وأدخلها الفرن على حرارة 180 لحد ما تستوي وتعلى ووشها يتحمر يعني تقريبا نص ساعة وتتآكل على طول عشان وهي سخنة أحلى. وبس بالهنا والشفا
ممكن استبدال السبانخ بالجبنة أو اللحمة او الفراخ

لولي بوبس :

النهاردة عملت حاجة لذيذة جداً وسهلة وعملية. لو عندك بواقي كيك أو كيكة بايتة ومحدش عايز ياكلها قطعيها وفتفتيها وحطي عليها معلقتين كاكاو وملعقتين مربى ولو مفيش مربى حطي عصير عنب برتقال تفاح. اللي عندك واعجنيها وكوريها وحطيها في الشوكولاتة السايحة وقدميها. وبكدة تكوني عملتي صنف جديد من بواقي القديم ولا حد حيعرف حاجة. وبالهنا والشفا

الادوسية:

الادوسية
دقيق ومية وملح واعجنى بس تبقى جامدة مش طريه وبس تفرديها بالدقيق بالماكنة وبعدين تقطعيها بالشرايط بتاعت المكنة وتحطى دقيق بنهم وبعدين تجيبى شاشة وتحطيها على مصفة فى حلة او حلة المكرونة
يعنى تحطى دقيق وذرة ملح وتزودى ميه لحد ما تلم معاكى

كيكة التفاح :

1/3 كوب زبدة مع 3/4 كوب سكر على النار لما السكر يسيح لما يدوب السكر أحط رشة قرفة،رشة جوزة الطيب بعدين صبيه في الصينية ورصي عليه شرائح التفاح.
الكيك:2 بيضة ، كوب سكر ، كوب ونصف دقيق، ملعقة صغيرة بكينج بادر، نص ملعقة بكربونات صودا ،رشة ملح، 2/3 كوب كريمة ، 1/3 كوب زبدة
يخفق البيض مع السكر والفانيليا جيدا ، يخلط البكينج بودر والصودا مع الدقيق وشوية الملح ويضاف بالتبادل مع الكريمة وبعد ما تخلص الكمية ضيفي الزبدة تخلط جيدا يصب الخليط فوق التفاح ويدخل الفرن على درجة حرارة 180 درجة لحد ما تستوي وتقلب اول ما تطلع من الفرن. وبالهنا والشفا

الفراخ المشوية :

جبت فرخة سلقتها 3/4 سلقة وبعدين حطيتها في صينية فرن وحطيت معاها خلطة ( صلصة ، مستردة، ملح فلفل كمون بهارات ، خل ، صويا صوص شوية زيت) قلبتهم ودهنت بيها الفرخة وعلى الوش حطيت ملعقة مايونيز علشان التحمير وممكن جبنة كاسات أو مثلثات ) بس وحطيت شوية ماية في الصينية علشان ما تتحرقش ودخلتها في فرن سخن واسيبها وكل شوية ابص علليها عشان لو الماية نشفت ازودها شوية واسقي الفرخة بنفس الماية اللي في الصينية شوية شوية هتلاقيها اتحمرت وبس. ممكن لو فاضل ماية في الصينية بعد ما تشيلي الفرخة حطي ملعقة دقيق على من فوق وقلبي شوية وصفيها في زبدية صغيرة هيطلعلك صوص للفرخة. وبس

فراخ حمرا بالزبدة :

:
نصف كيلو صدور فراخ مقطعة مكعبات تشوح على النار مع ملعقة زبدة في هذا الوقت نضرب في الخلاط اربع طماطم مع بصلة متوسطة الحجم وشوية ملح وفلفل وفص ثوم
عندما تشرب الفراخ مايتها نضيف ليها خلطة الطماطم مع ملعقة صلصة حمرا علشان اللون و نصف كوب ماء ونوطي النار ونسيبها لحد ما تستوي ولما تستوي نضيف حوالي اربع ملاعق كريمة وملعقة زبدة.
وبس بالهنا والشفا.

بسكوت فيلادلفيا بالقرفة:

عملتلكم النهاردة حاجة حلو. وسهلة ومش بتاخد وقت خالص.
125 جرام زبدة وزيهم شوكولاتة خام مقطعة لسهولة السيحان كوب سكر 3 بيض 1/3 كوب دقيق وزيهم كاكاو، 1/3 ملعقة صغيرة بكينج باودر
1-اول حاجة تحطي الزبدة مع السكر مع الشوكولا في طاسة على نار هادية لحد ما الكل يسيح وتقلبيه باستمرار علشان ما يتحرقش
2-بعدين تكسري البيض في طبق غويط مع شوية فانيليا وتحطي عليه خليط الزبدة وتقلبي كويس عادي بايدك مش محتاج خلاط.
3- تخلطي الدقيق مع الكاكاو والبيكنج باودر وتضفيه شوية شوية على خليط البيض وانتي بتقلبي 4--بعدين تجهزي صينية مدهونة انا عملتها في صينية تارت علشان الكمية مش كبيرة.
4-هتعملي ايه بأة دلوقتي هتجيبي علبة فيلادلفيا وسط قليلة الدسم ( انا بحبها قليلة الدسم) وتحطي -عليها معلقتين كبار سكر وملعقتين صغيرين قرفة وتخلطيهم كويس بعدين تحطيهم على وش الكيكة واستخدمي سكينة لرسم دوائر
دخليها الفرن ويكون متسخن على 180 تقريبا ساعة الا ربع لحد ما تستوي. طلعيها وبعد ما تبرد قطعيها زي ما تحبي.
بتبقى طرية على مقرمشة على شوية زي المستيكة. المهم أنها حلوة وهتعجبكم جداً. وبس

*كاسات مووس الشوكلاتة مع زبدة الفول السوداني :

مقادير موس الشوكلاته:
٢٢٠ جرام شوكلاته سوداء
بيضتان مفصول الصفار عن البياض
٢ ملعقة طعام سكر ناعم
٢ ملعقة شاي جيلاتين
١ مغلف كريم شانتيه باودر شوكلاته
٤٤٠ جرام كريمة خفق باردة

مقادير كريمة زبدة الفول السوداني و كريمة الجبنه:
220 جرام جبنه كريمية قابلة للدهن .
٣ ملاعق طعام قودي زبدة الفول السوداني ناعمة + ٦ ملاعق طعام سكر ناعم
١ ملعقة شاي فانيلا
½ كوب كريمة خفق باردة + ٢ملعقة طعام سكر ناعم
١ مغلف كريم شانتيه باودر بالفانيلا

للتزيين
قطع من بسكوت الشوكلاتة , مطحونة
حبات من الفول السوداني

خطوات التحضير :
لتحضير كريمة زبدة الفول السوداني :
1. في خلاط الكيك الكهربائي قومي بخط الجبنه و القشطة مع السكر لمدة دقيقتان إلى أن يصبح الخليط متجانس و خفيف.
2. قسمي الخليط إلى وعائين بالتساوي ، في الوعاء الأول امزجي الفانيلا و في الوعاء الثاني امزجي زبدة الفول السوداني . ضعي الوعائين جانباً.
3. في خلاط كهربائي إخلطي كريمة الخفق مع كريم شانتيه الفانيلا وملعقتان السكر ناعم حتى تصبح كريمه سميكه .
4. قسمي كريمه الخفق إلى قسمين ثم أضيفي كل قسم للوعائين المحضرة سابقاً و ذلك بإضافه القسم الأول من كريمة الخفق لوعاء الجبنه مع الفانيلا و القسم الثاني من الكريمة لوعاء الجبنه مع زبدة الفول السوداني.
5. غلفي الوعاءان وضعيهما في الثلاجه حتى يحين وقت استخدامهما.

لتحضير موس الشوكلاتة :

6. ذوبي الجيلاتين مع ١ ملعقة طعام ماء
7. في قدر ضعي نصف كمية كريمة الخفق ثم أضيفي الشوكلاته حتى تذوب و تصبح كريمة شوكلاته ثم أضيفي الجيلاتين وقلبي جيدا .
8. أضيفي صفار البيض لكريمة الشوكلاته مع التقليب المستمر
9. اخفقي المتبقي من كريمة الخفق و السكر مع كريم شانتيه الشوكلاته حتى يصبح متماسك ثم أضيفيه لكريمة الشوكلاته
10. اخفقي بياض البيض حتى يصبح كثيف . أضفيه لكريمة الشوكلاته
11. قومي بإضافة المكونات في الأكواب الشفافه أو الزجاجية كالتالي :
• اولا : خليط الجبنه مع الفانيلا بمقدار بسيط
• ثانيا : موس الشوكلاته بمقدار كبير
• ثالثا : البسكوت المطحون
• رابعاً : خليط الجبنه مع زبدة الفول السوداني بمقدار بسيط

12. بعد ذلك أتركيه في الثلاجه لمدة أربع ساعات . أضيفي حبات الفول السوداني على الوجه ويقدم . ·

تشيز كيك فيريروروشيه :

تطحني بسكوت مع الزبدة وتقريبا ملعقتين كاكاو وشوية سكر، طبقة الجبنة: علبتين كبار فيلادلفيا قليلة الدسم، كوب سكر، 3 بيض ، كوب كريمة ، فانيليا، ذرة ملح، 10 قطع فيريروروشيه، البسكوت تفرديه في الصينية. تخلطي الجبنة والسكر كويس بعدين تضيفي البيضة واحدة واحدة بعدين تضيفي الكريمة والفانيليا وتخلطي كويس لحد ما تبقى زي الكريمة بعدين تضيفي الشوكولا بعد ما تكوني كسرتيها شوية. بتصبي الخلطة فوق البسكوت وتسبيه على جنب شوية هتلاقيها بتطلع فقاقيع. تحطي الصينية في صينية ماء مغلي. وممكن تغطي قعر صينية التشيز بالفويل. بتدخليها الفرن حوالي 45 دقيقة تقريبا. مش المفروض أنها تستوي على الآخر أوي عشان انتي هتسبيها تكمل سواها في الفرن بعد ما تقفليه لمدة ساعة. بتطلعيها من الفرن وتسبيها تبرد خالص وتغطيها وتحطيها في الثلاجة لحد ما تبرد يفضل قبلها بيوم. ساعة التقديم تفردي عليها النوتيلا ولو تحبي رشي شوية بندق مجروش. وبس

شوربة الماشروم:

نقلب بصلة صغيرة على النار مع ملعقة كبيرة زيت زيتون ثم يضاف الماشروم المقطع ويقلب مع البصلة ثم يضاف ملعقة كبيرة بس مش مليانة دقيق ويقلب الكل معا. ثم تضاف المرقة مع الملح والفلفل وتترك على نار متوسطة تغلي لمدة خمس دقائق ، لو حسيتي أنها تقيلة ممكن تخفيفها بشوية مرقة.
وبالهنا والشفا

سلطة خضرا

خيار ، طماطم ، خس ، كرنب ، جزر ، بصل اخضر ، فلفل احمر، فلفل اخضر
يقطع الكل قطع صغيرة ماعدا الجزر يبشر. ثم يضاف إليها الملح ويعصر عليها ليمونة صغيرة أو نصف ليمونة كبيرة ويفرك عليها نعناع ناشف بيدي نكهة حلوة للسلطة. وبالهنا والشفا

جاكتات البطاطس:

تنقى بطاطس متوسطة الحجم وتغسل جيدا وتشوى في الفرن بعد خروجها تقسم نصفين وتفرغ في طاسة على النار مع ملعقة زبدة وملح وفلفل وشوية شبت بيدي نكهة حلوة. بعدين نرجعها تاني داخل أنصاف البطاطس. وتقدم

بيكاتا بالمستردة:

شرائح لحمة تتبل بالملح والفلفل وتشوح على النار مع ملعقة زيت زيتون ثم تترك جانبا
في نفس الطاسة تفرم بصلة وتشوح ثم يضاف إليها الملح والفلفل وملعقة مستردة وملعقة مايونيز وتقلب سريعا ثم يضاف حوالي نصف كوب كريمة ونضع فيها شرائح اللحمة ونضعها على نار منخفضة لمدة عشر دقائق تقريبا ممكن إضافة القليل من الحليب لو حسيتي أنها نشفت علشان لازم يكون فيها قليل من صوص. وتقدم ساخنة. ممكن تقديمها مع أرز بسمتي أو جاكتات البطاطس

تارت التفاح:

٢ كوب دقيق , ٣/٤ كوب زبدة مقطعة مكعبات وباردة ، ربع كوب ماء بارد ، صفار بيضة، ذرة ملح ، ملعقة كبيرة سكر بودرة
تفرك الزبدة مع الدقيق وذرة الملح بأطراف الأصابع حتى يصبح كالرملة ولكن دون دعك
يضاف السكر وصفار البيضة ويقلب حتى تتلم العجينة ونبدأ بإضافة الماء بالتدريج نضيف ملعقة ونلم العجينة دون دعك وملعقة أخرى وهكذا بمجرد أنها تلم معاكي بس دون فرك وعجن.
نلفها في كيس نايلون وتدخل التلاجة لمدة نص ساعة تقريبا
في الوقت دا نقشر أربع تفاحات ولو التفاح الأخضر يكون افضل علشان بيستحمل الحرارة بعدين نقطعه شرائح رفيعة ونرش عليه ١/٤ كوب سكر +١/٤ كوب دقيق + ملعقة قرفة +ملعقتين زبدة سايحة ويقلب الكل مع التفاح.
بعد مرور النص ساعة نطلع العجينة من التلاجة ونفردها رفيع على سطح مرشوش بالدقيق ثم تلف على النشابة حتى نستطيع نقلها الى صينية التارت ثم يضغط عليها جيدا ونضغط على الأطراف ونشيل الزيادة ونخرم العجينة كلها بالشوكة بعدين نضيف خلطة التفاح.
باقي العجين يفرد ويقطع على شكل وردة وتدخل الفرن على درجة حرارة متوسطة لمدة أربعين دقيقة تقريبا. وقبل خروجها بخمس دقائق نطلعها وندهن الورد او الشرائط اللي عملناها ببياض البيض ويدخل الفرن تاني علشان تتحمر.
بس طلعيها من الفرن وسبيها تبرد شوية قبل ما تقطعيها بس ما تغطهاش علشان مش تطرى.
وبالهنا والشفا

اللوزية:

٣ كوب طحين :
١⁄٢ كوب سكر بودرة
١ ١⁄٢ كوب زبدة
١ كوب لوز مطحون، وسط
١ ملعقة كبيرة بايكنغ باودر
للتزيين:
١⁄٢ كوب فستق حلبي مطحون
طريقة التحضير

١. تعجن جميع المواد مع بعض ما عدا سكر البودرة حتى الحصول على عجينة طرية ومتماسكة. تترك العجينة قليلا لترتاح.

٢. يؤخذ قسم من العجين ويفرد على مسطح. يرق العجين بالشوبك ليصبح بسماكة ۱ سنتم، ثم يقطع العجين بقالب مخصص للوزية على شكل هلال. تكرر العملية حتى انتهاء كمية العجين.

٣. تصف قطع العجين في صينية للفرن وتدخل الصينية إلى الفرن. تخبز على حرارة معتدلة إلى أن تصبح ذهبية اللون.

٤. تخرج الصينية من الفرن، توضع قطع اللوزية في صحن للتقديم ويرش عليها السكر البودرة مباشرة.

فتة الحمص من المطبخ اللبناني

تجيبي الحمص وتنقعيه من بليل والصبح تغسليه وتغليه في ماية وتحطي معاه ربع معلقة بكينج صودا وملح وفلفل وفص ثوم
تقطعي عيش مكعبات وتقليه بعدين تحطيه في بايركس وتحطي عليه الحمص بعدين تكوني مجهزة حوالي من ثلاث لأربع علب زبادي على حسب الكمية اللي انتي عاملاها تكوني سايبها برة الثلاجة ومعاها شوية ملح وفص ثوم مفروم وتحطيها على وش الحمص في الوقت دا تكوني بتقلي شوية صنوبر في حتة سمنة وتحطيها على وش الزبادي بس انا مكنش عندي صنوبر عملته باللوز. ويقدم في ساعتها.
وبالهنا والشفا يارب تعجبكم. وعلى فكرة ممكن تعملو كمية صغيرة للتجربة وتكون مثلا جنبها حاجة تانية. بس بالنسبة لي بكلها لوحدها لحد ما اشبع منها. وبس

رز بلبن :

جربوا الطريقة دي وهتدعولي انشاءالله :
كوبيين حليب+ نص كوب كريمة + ربع كوب رز مغسول+ ربع كوب سكر،

كله على النار وتقلبيه وأول ما يغلي تقفلي النار وتغطيه وتسبيه ساعة بالضبط. بعدين تفتحي عليه النار ربع ساعة بعدين تحطي عليه ملعقة كبيرة مليانة نشا مذوبة في شوية ماية مع شوية فانيليا للنكهة يعني تقليبه كدا وتقفلي عليه ولما يهدأ شوية اغرفيه في الكبايات. وبالهنا والشفا
بس لازم تلتزموا بالتعليمات بالضبط

شوربة الجزر

بصلة ، أربع جزرات ، فص ثوم ، ملح وفلفل ، مكعب مرقة وبهارات
نقطع البصلة ونحطها على النار مع ملقة زيت زيتون تاخد تقليبه خفيفة وبعدين  نضع فص الثوم ونقلبه بعدين نقطع الجزر ويتقلب معاهم بس من غير ما يتغير لونهم بعدين نضيف الشوربة والملح والفلفل ومكعب المرقة والبهارات لما تغلي والجزر يطرى نضعه في الخلاط علشان ينعم ، نرجعه تاني على النار مع نص كوب كريمة. تاخد غلوة صغيرة بعدين نقفل عليها.
نكون مقطعين واحدة بصل اخضر وبشر جزر ونضعه على الوش. وساعة الأكل يعتصر عليه ليمون حسب الذوق.
وبالهنا والشفا. 

طاجن لسان عصفور:

طاجن لسان عصفور: تحمري لسان العصفور طبعا الكمية اللي تناسبك في الوقت تكوني بتسلقي اللحمة ولما تتسلق حطيها مع لسان العصفور تاخد تقليبه معاها بعدين تضيفي شوربة اللحمة طبعا هي بتاخد ماية كتير شوية بس تخللي بالك علشان ما تعجنش وملعقتين صلصة تقريبا وتضيفي الملح والفلفل والبهارات وشوية قرفة وتوطي عليها زي الرز ولما تبتدي تستوي ويطرى ادهني قالب فرن بالسمنة وحطي عليه لسان العصفور ودخليه الفرن يتسبك ويحمر شوية وبش بياخد وقت ولما يطلع تغطيه علشان ما ينشفش. .
وممكن كمان تعملي جنبهم سلطة خضرا. وبس بالهنا والشفا.

بطاطس بالباشاميل :

نضع بصل وزبدة على النار ثم بطاطس شرائح ويتشوح زي السوتيه
في طاسة أخرى زبدة ومشروم يشوح ثم سبانخ وبصل
نضع طبقة باشاميل بعدين بطاطس بعدين سبانخ بعدين بطاطس بعدين باشاميل وشوية جبنة
وتدخل الفرن