السبت، 6 ديسمبر 2014

كفتة بالكاري

نعمل كور كفتة عادي بصل وملح وفلفل وبقدونس وتدخل الفرن تستوي. 
الصوص: بصل شرائح يشوح على النار ثم يضاف فلفل احمر مكعبات ثم ملعقة دقيق ثم ملعقة كاري كبيرة ثم شوربة ونسيبها تغلي. نحط الكفتة فيها تاخد غلوة بعدين شوية بقدونس وتغرف

الاثنين، 13 أكتوبر 2014

تورتة البطاطا

تورتة البطاطا

كيلو ونص بطاطا مسلوقة ومهروسة
٢٥٠ جرام زبدة. ٥٠٠ جرام شوكولا مبشورة
نسيح الزبدة مع الشوكولا على نار منخفضة. وتضاف البطاطا وتقلب جيدا ثم تصب في صينية مبطنة بورق بلاستيك
تدخل الثلاجة لحد ما تمسك. 
نعمل مارينج:
ثلاث بياض بيض. ٢٥٠ جرام سكر. فانيليا في الاخر. شوية ملح. 
نضرب البياض لحد مايكون الرغاوي مع شوية الملح بعدين نبدأ نضيف السكر شوية شوية واحنا بنخفق على السرعة العالية لحد مايجمد. 
نطلع الكيكة من الثلاجة بعد ماتكون مسكت كويس نقلبها على طبق ونحط عليها المارينج بطريقة عشوائية بعدين ندخله تحت الشوية شوية لحد ما تاخد لون وتكون الشعلة عالية. او لو عندك مسدس النار ممكن تعملي بيه. بس ناخد بالنا علشان مش تتحرق. ونرجعها تاني على الثلاجة تسقع 
وبالهنا والشفا. 
دي من برنامج سالي فؤاد (cbc سفرة)

الأحد، 7 سبتمبر 2014

الفطيرة اليابانية

فطائر العجينة اليابانية
دي حلوة اوي وممكن تعملي بيها اي حاجة انتي عايزاها. انا هنا عملتها زي التارت وحشيتها سدق وبطاطس وبصل وجبنة موزاريللا 
العجينة اليابانية .... 
2 م ك دقيق 
نص كوب مية 

نحطهم على بعض على نار هادية مع التقليب المستمر لغاية ما تبقى زى الباشميل نفضيها فى طبق ونغطيها علشان ما تكونش قشرة ونسيبها تبرد كويس 
بعد ما تبرد نحطها فى بولة للعجن ونضيف عليها 
2 وربع كوب دقيق 
2 م ك لبن بودرة 
3 م ك سكر

نص م ص ملح 
1 م ص خميرة 
بيضة 
نعجن كل دة كويس جدا ونحط المية شوية شوية بتاخد حوالى ربع كوب مية ومش نضيف المية مرة واحدة بعد ما تلم معانا نضيف 3 م ك زبدة لينة ونعجن تانى لغاية ما تتكون معانا عجبنة لينة 
نسيبها تخمر ونشكلها وبعد التشكيل ندهن الوش بيض ونسيبها نص ساعة تانى 
ندخلها فرن سخن من الاول ونخلى الحرارة وسط

الخميس، 3 يوليو 2014

فرخة مشوية



قطع فراخ تبليها ملح وفلفل وبهارات وخل وليمون وبودرة بصل وبودرة ثوم. تنقعيها مش اقل من ساعتين. بعدين تدخليها الفرن بعد ما تغطيها لحد ما تستوي وتبقي حاطة شوية ماية علشان مش تتحرق. 
في الوقت دا تقطعي واحدة بطاطس مكعبات وتسلقيها نص سوى بعدين تشويحيها في شوية زيت وتحطيها على جنب. 
تقطعي جزر مكعبات فلفل اخضر يقطع معبات مشروم طازة لو مفيش يبقى معلب
قطعتين سوسيس مقطع شرائح كل دا على النار في نفس الطاسة اللي حمرنا فيها البطاطس نحط الاول الجزر بعدين الفلفل بعدين السوسيس بعدين المشروم بعدين البطاطس. 
نجهز طبق التقديم بأننا نحط اي خضرة خس. جرجير. بقدونس. كزبرة. زي ما انتي عايزة. ونحط فوقها خلطة البطاطس 
نرجع للفراخ اللي في الفرن نشيل ورق الفويل ونسيبها شوية علشان تتحمر بعدين نرصها في طبق التقديم. 
وبالهنا والشفا

الثلاثاء، 10 يونيو 2014

كيك الأناناس

٢ كوب دقيق
ملعقة صغيرة بيكينج باودر
٢/٣ كوب زبدة سايحة
١ ١/٢ كوب سكر بودرة
٤ حبة بيض
فانيليا
كوب حليب
علبة أناناس 
الطريقة
تدهن صينية مستديرة بالزيت وترش بالسكر السنترفيش ثم ترص شرائح الأناناس 
تخفق الزبدة مع السكر جيدا ثم يوضع البيض ويستمربالخفق
يضاف الدقيق المنخول مع البيكينج باودر بالتبادل مع كوب الحليب ويقلب حتى ينتهي المقدار
تصب العجينة فوق الأناناس  وتخبز في فرن متوسط الحرارة حتى النضج
تقلب فور خروجها من الفرن وتقدم 

الاثنين، 2 يونيو 2014

فراخ بيكاتا


صدور فراخ مخلية تقلب في البيض ثم الدقيق وتقلى في قليل من الزيت لحد ما تتحمر من الناحيتين. نضعها على جنب
نغسل الطاسة ونشفها على النار نضع كوب من الماء مع ملعقة صغيرة زبدة وملح وفلفل وعصير ليمونة كبيرة ونضع الفراخ المحمرة لمدة دقيقتين تقريبا على كل جانب. 
وبالهنا والشفا

مكرونة بالزبادي والجبنة



مكرونة اي نوع تحبي
علبة زبادي او اتنين حسب كمية المكرونة
بيضتين ملح وفلفل 
توابل. ربع كيلو جبنة ( موزاريللا. شيدر. تركي. زي ما انتي عايزة
تسلق المكرونة ثم تشوح في الزبدة وملح وفلفل لمدة خمس دقائق تقريبا. 
نخفق الزبادي مع البيض والتوابل انا زودت من عندي ربع كوب كريمة. 
نضع المكرونة في صينية فرن مدهونة سمنة (ومرشوشة بقسماط)اختياري 
نصب خليط الزبادي على المكرونة ثم نضع الجبنة على الوش 
تدخل الفرن لحد ما وشها يتحمر وتقدم ساخنة مع السلطة الخضرا
وبس

الأربعاء، 14 مايو 2014

العيش التوست



٢ كوب ماء
معلقة كبيرة خل
١/٣ كوب سكر
معلقتين صغيرين ملح
ربع كوب سمنة
٦كوب دقيق
الطريقة:
اخلطي المية مع الخميرة والسكر بعدين ضيفي السمن والدقيق والخل والملح واعجنيه كويس. بعدين سيبيه يخمر مش اقل من ساعة ونص.
جيبي قالبين وادهنيهم وبدريهم بالدقيق بعدين اقسمي العجين نصين وافرديها على شكل مربع بعدين اعملي زي الصورة
حطيها في الصينية وسيبيها نص ساعة كمان علشان تملأ القالب دخليها الفرن الساخن على درجة حرارة ٢٠٠ ولما يبدأ الوش يحمر طلعيه وادهني الوش بالزيت وترجعيها الفرن تاني تكمل سواها
هي مش بتاخد وقت كتير
طلعيها من الفرن وغطيها بفوطة مطبخ نضيفة لمدة ساعة علشان تبرد بعدين قطعيها و بالهنا والشفا
**طبعا ممكن تعملي نص الكمية او ربعها كمان انا كنت عاملة ربع الكمية.


الأحد، 11 مايو 2014

فتة الباذنجان



تجيبي حبتين باذنجان تقطعيهم شرائح وتقليهم. عيش مقطع مكعبات ومتحمر. 
علبتين زبادي عليهم فص ثوم مفروم وشوية ملح واضربيهم كويس بالشوكة. 
الصلصة: 
حبة طماطم مبشورة، معلقتين صلصة، بصلة مفرومة ، ملح وفلفل معلقة زيت
نضع البصل على النار مع معلقة الزيت لحد ما يدبل شوية بعدين نضع الطماطم لما تبدأ تنشف شوية نضع الصلصة والملح والفلفل وشوية ماية يدوب تتسبك شوية ونقفل عليها. 
الطريقة:
نضع طبقة الباذنجان في طبق بايركس وفوقه طبقة من العيش بعدين طبقة الصلصة بحيث انك تغطي العيش والباذنجان بعدين الزبادي ويجمل الوجه بالعيش المحمص ويقدم في الحال. 
وبالهنا والشفا

الأحد، 4 مايو 2014

فراخ مشوية



محشي فلفل 
الفراخ المشوية بالإزازة بس حلوة اوي
التتبيلة عبارة عن :
علبة زبادي قليل الدسم مع فلفل اسود وملح وكمون وبهارات وثوم بودر وخل عادي وخل تفاح وقرفة وجنزبيل وصوص باربيكو. تنقعي الفراخ لمدة ساعة او اتنين بعدين تدخليها الفرن لحد ما تستوي


السبت، 3 مايو 2014

تارت الكاراميل بالشوكولاتة


75 جرام زبدة مع ربع كوب سكر ناعم يخفق جيدا يضاف صفار بيضة مع بيضة كاملة وفانيليا ويخفق 
في هذا الوقت نخلط كوب ونص دقيق مع ملعقة صغيرة  بيكينج باودر ورشة ملح 
نضيف نص كوب بندق محمص ومطحون ويخلط
نضيف شوي شوي على سرعة منخفضة بمجرد ما تلم نقفل. نحطها في كيس وندخلها الثلاجة ترتاح لمدة ربع ساعة. نبدأ نفرد ونحطها في قوالب التارت. ندخله الفرن نخبزه
نعمل الحشوة: نضع كوب سكر على النار مع حبات قرنفل لحد ما يبقى كاراميل بعدين نجيب ٣/٤ كوب كريمة ونحطه عليه بعدين نضيف معلقة زبدة 
نبدأ نحط في التارت لحد النص.لما يبرد نضع عليه كريمة شوكولاتة 
كريمة الشوكولا: نخلط حليب نص كوب مع نص كوب كريمة على النار لحد ما يغلي بعدين نضعها على كوب الشوكولاالغامقة لحد ما تسيح بعدين قطعة زبدة ثم تصب فوق التارت الكاراميل ويترك حتى يبرد

الخميس، 17 أبريل 2014

ليالي لبنان

حاجة حلوة وسريعة ومكوناتها موجودة في اي بيت

ليالي لبنان:
كوب سميد ، كوب حليب بودرة ، ٣ ١/٢ كوب ماء ، معلقتين كبار سكر
كله على نار منخفضة ويقلب لحد ما يتشرب كله مع بعض ويتقل بعد ما نقفل النار نحط معلقتين صغيرين ماء ورد او ماء زهر 
القشطة:
كوب ونص حليب عليه ٤ معالق كبيرة نشا ويقلب جيدا لحد ما تبقى قشطة ونسيبها تبرد
الشربات:
كوب ونص ماء مع كوب سكر على النار لما تغلي اعصر عليها لمونة صغيرة تاخد غلوة بحيث لا يبقى تقيل او ولا خفيف اوي 
طريقة التحضير:
بعد ما يجهز خليط السميد نحطه في صينية بايركس ولازم سمكها ما يكونش تخين اوي. بعدين أحط عليها طبقة القشطة ويزين بالفستق المجروش. وطبعا بتتشال في الثلاجة
ساعة التقديم تقطع مربعات ويرش عليها الشربات وطبعا لازم يكون بارد
وبالهنا والشفا

الخميس، 10 أبريل 2014

كيكة الجزر

كيكة الجزر
عدد ٢ بيض
١ ١/٣ كوب زيت
فانيليا ذرة ملح
٢ كوب دقيق 
كوب سكر
٣ كوب جزر مبشور
٢ معلقة صغيرة بيكينج باودر
الطريقة:
تخفق السوائل مع بعض لحد ما يبقى لونها فاتح
تقلب بقية المقادير الجافة مع بعض ثم تضاف لخليط الزيت والبيض
تدهن صينية وتبطن بالدقيق ويصب الخليط في الصينية ويدخل الفرن على درجة حرارة ١٨٠ لمدة ٤٥ دقيقة او حسب فرنك. وبالهنا والشفا
ممكن تزيينيها وممكن تتاكل من غير تزيين

الأربعاء، 9 أبريل 2014

كيكة المارس

*كيكة المارس اللذيذة
المقادير:
الطبقة الاولى:
علبة كيك جاهز بالشوكولاتة او لو انتي تعرفي تعملي كيكة شوكولاتة حلوة 

الطبقة الثانيه:
1علبة قشطة
1 مغلف دريم ويب
1 مغلف كريم كراميل
1 علبة بسكويت شاي صغير
6 كيري او مثلثات او فيلادلفيا

الطبقة الثالثة:
5 مارس
1علبة قشطة

الطريقة:
1. يحضر خليط بيتي كروكر بالشوكولاتة كما هو مدون على الكرتون في صينية البايركس أو صينية التشيز كيك حسب الرغبة 
2. أثناء ذلك توضع مقادير الطبقة الثانية في الخلاط ويخلطوا. 
3. بعد ان تبرد الكيكة يوضع عليها الخليط وتوضع في الثلاجة 
4. في حمام مائي يذوب المارس وبعد أن يذوب توضع عليه علبة القشطة ويخلطوا معاً جيداً.
5. تخرج الصينية من الثلاجة ويوضع عليها خليط المارس وتوضع بالثلاجة لحين التقديم.
6. من الممكن تزيينها بشوكولاتة حسب الرغبة وبالهناء والعافية.


الثلاثاء، 8 أبريل 2014

الدونات

الدونات

٤ كوب دقيق
بيضتين
معلقة كبيرة حليب بودرة
معلقة كبيرة زبدة بحرارة الغرفة
معلقة صغيرة ونص خميرة
خمس معالق كبيرة سكر
شوية ملح صغيرين
فانيليا
نص كوب حليب دافئ
الطريقة :
تخلطي المكونات كلها مع بعض ماعدا الحيب بعدين تضيفي الحليب شوية شوية لحد ما تتكون عندك عجينة حلوة شوية طرية بس مش بتلزق
سيبيها تخمر بعدين شكليها وسبيها تخمر تاني
اقليها في عميق متوسط الحرارة وخاللي بالك مش بتاخد وقت يعني تتحمر من تحت وأقلبيها على طول تتلون بعدين طلعيها وحطي لها الصوصات اللي تحبيها

الأربعاء، 2 أبريل 2014

سلطة الافوكادو


ثمرة أفوكادو تقشر وتقطع بالطول او مكعبات
حبة طماطم تفرم مكعبات صغيرة
أوراق من الخس
الصلصة:
معلقة خل ، ثلاث معالق زيت زيتون او نباتي ، ملح وفلفل حسب التذوق، عصير ليمونة

تفرش أوراق الخس في طبق التقديم ويرص فوقها حبات الافوكادو ومكعبات الطماطم
تخلط الصلصة وترج جيدا وتصب فوق السلطة وتوضع في الثلاجة علشان تسقع شوية
عند التقديم ينثر بعض مكعبات العيش المحمص. وبالهنا والشفا


الثلاثاء، 25 مارس 2014

الباباز

الباباز
العجينة ١
معلقة صغيرة خميرة
١٠٠ ملل حليب دافئ
٢ بيضة مخفوقة
٢ صفار بيض
٥٠ جرام زبدة معبات
معلقة كبيرة سكر
نص معلقة صغيرة ملح
٢٥٠ جرام دقيق ( ربع كيلو)
الطريقة: تخفقي الزبدة علشان تتجانس مع نفسها بعدين تضيفي البيض ويخفق مع بعض بعدين تحطي الدقيق وتقلبي بعدين تضيفي الحليب والخميرة والسكر وتقلبيهم مع بعض كويس. المفروض تتكون عندك عجينة سائلة
تصبيها في طبق غويط وتغطيها وسبيها تخمر ساعة في مكان دافئ. ( ممكن تخلطي بايدك عادي مش لازم عجانة)
العجينة ٢
معلقة صغيرة خميرة
٣ بيض مخفوق
معلقة صغيرة ملح
معلقة صغيرة سكر
٧٥ جرام زبدة سايحة
١٠٠ ملل حليب دافئ 
٢٥٠ جرام دقيق
الطريقة : هتحطي المقادير كلها مع بعض وتخلطيهم وتسيحي الزبدة على النار وتضيفها على الخليط وتخلط لمدة عشر دقائق تقريبا. في الوقت دا هيكون عدا ساعة على العجينة الاولى ، دلوقتي ضيفي العجينة التانية على العجينة الاولى وقلبيهم مع بعض وغطيها وسيبيها تخمر لمدة ساعة تانية
بعد مرور ساعة تجهزي قوالب البابا وتدهنيها ًزبدة ورشي فيها شوية دقيقة ولو قوالب سيلكون مش لازم تدهن. 
تحطي العجينة في كيس حلواني وتعبي القوالب الثلث بس لأنك حتسبيها تخمر تاني لمدة ساعة. 
تدخل بعد كدة الفرن لمدة ربع ساعة تقريبا او لحد ما تلاقيها اتحمرت. 
طلعيها من الفرن وسبيها تبرد خاااالص 
تعملي الشربات: لتر ماء ،٧٠٠ سكر ،عصير وبشر برتقالة، عصير وبشر ليمونة وعودين قرفة. كلهم على نار هادية وتقلبي لحد ما السكر يدوب. في الوقت دا هيكون البابا برد خالص. 
هتشيلي وش البابا وتحطيها في الشربات وهو على نار هادية لمدة ثلاث اربع دقائق علشان تضمني انها اتشرفت كويس وبالملعقة تحطي عليها علشان تتشرب كويس بحيث انك لما تحطي ايدك عليها تلاقيها طرية
تشيليها براحة بالمصفى وتحطيها على شبك علشان تصفي الزيادة 
دلوقتي تعملي الكريمة : اولا : كريم باتسيير : معلقتين دقيق على النار عليهم كوب حليب مذوب فيه معلقتين سكر كبار وشوية فانيليا تقلبي كويس علشان مش يكلكع بعدين تسيبيه يبرد خالص
دلوقتي بعد ما يبرد تعملي كريم شانتيه انا حطيت ٢ باكيت كريم شانتيه ومعاهم حوالي اربع معالق حليب بارد علشان يبقى تقيل بعدين حطيت عليه الكريم باتسيير وخفقتهم مع بعض علشان يندمجوا كويس. 
دلوقتي تجهزي كيس الحلواني بتاعك وتزيني زي ما انا عاملة كدة وممكن تزيني كمان بأي نوع فاكهة لو تحبي
وبس بالهنا والشفا. 

الاثنين، 3 فبراير 2014

كيكة التفاح

كوب زبدة
ثلاث تفاحات مقشرة ومقطعة معبات
١ ٣/٤ سكر 
٢ بيضة
٢ ١/٢ دقيق
معلقتين قرفة ، معلقة صغيرة بيكينج باودر ، معلقتين صغيرين بيكينج صودا
ربع معلقة ملح
تجيبي حلة كبيرة حطيها على النار وحطي فيها الزبدة والسكر لما يسيحوا ويدخلوا في بعض
ابعديها عن النار وضيفي البيض وقلبي بسرعة وكويس
رجعيها على النار تاني وحطي بقية المقادير وقلبي كويس لحد ما كل المقادير تدخل في بعضها كويس
ادهني صينية وصبي خليط الكيك فيها ودخليها الفرن على درجة حرارة ١٨٠ درجة لحد ما تستوي

السبت، 1 فبراير 2014

كفتة بالصلصة


كفتة بالصلصة
نص كيلو لحمة مفرومة تبليها ملح وفلفل وبهارات وكوريها كور صغننة
حطي شوية زيت في طاسة وحمري فيها كور الكفتة وشليه على جنب
في نفس الطاسة قطعي بصل شرائح رفيعة مع شوية زيت ولما يدبل شوية افرمي فصين ثوم وحطيهم مع البصل
ياخد تقليبة بعدين تقشري ٢ طماطم وتقطعيها مكعبات صغيرة وتضيفها على البصل مع معلقة صلصة علشان اللون وملح وفلفل 

لما تبدأ تغلي تحطي عليها كور الكفتة مع شوية ماية وتغطيها لحد ما تستوي على نار هادية 
وفي الاخر تحطي عليها اقل من ربع كوب كريمة وبس تقفلي عليها
تقدم مع أرز بسمتي او أمريكي وبالهنا والشفا


الأربعاء، 29 يناير 2014

كب كيك التمر

- كأس تمر منزوع النواة + نص كأس سكر + نص كأس زيت + نص كأس حليب سائل + 3 بيضات + ملعقه قرفة .. ونحطهم بالخلاط لما يختلطوا ,


وبعدها نحطها بزبدية , ونخلي بالخلاط خليط بمقدار نص كوب

ونأخذ الزبدية ونضيف للخليط الي فيها كأس ونصف دقيق ملعقة صغيرة بيكنج باودر
  ..
ونحطهم بالقوالب ونحاول بالملعقه نخليها متسوايه وندخلهم الفرن المسخن من قبل



نرجع دلوقتي للخلاط والي فيه , ونضيف له حبتين او 3 جبن كيري وكم ملعقة حليب نستلة ..
وبعد ما ينخلطون نحطهم على النار شوية ونسبها على جمب لما يستوي الكب كيك وننتبه له لأنه مش بياخد 
وقت طويل يمكن ربع ساعة فقط ..
بعد خروجه من الفرن نضيف له الصوص ونزينه بعين الجمل
بس انا ما عملتش موضوع الصوص دا  
عملت صوص كراميل عادي


السويسرول


اربع حبات بيض ، 120 جرام سكر، 120 جرام دقيق

تخلطي البيض مع السكر لحد ما توصل لدرجة الشريط بعدين تضيفي الدقيق شوية شوية وتقلبي براحة من تحت لفوق علشان مش يطلع الهوا لحد ما كمية الدقيق تخلص.
تكوني مجهزة صينية عليها ورق زبدة وتصبي الخليط فيها
تكوني مجهزة الفرن على درجة حرارة 180 وتدخل لمدة 10 دقائق تقريب
اول ما تطلعيها تقلبيها على ورقة زبدة مرشوشة سكر بودرة وتلفيها براحة بعدين تلفيها تاني في فوطة مطبخ وتسبيها لحد ما تبرد خالص بعدين تحشيها بالحشو للي اللي انتي عايزاه وترجعي تلفيها تاني براحة ودخليها الثلاجة تسقع بعدين تقطعيها بسكينة مشرشرة وبس
الصينية طبعا اللي هي صينية اللي حوافها قصيرة والمقاس اللي استخدمته صغير  
32×23 cm

السبت، 18 يناير 2014

كيكة الحلاوة الطحينية


كوب زبدة سايحة
نص كوب سكر 
اربع بيضات 
كوب ونص حلاوة طحينية( انا استخدمت الحلاوة الطحينية اللي بالهيل والقرفة وسمسم وزعفران)

كوب ونص دقيق
معلقة صغيرة مليانة بيكينج باودر. نص معلقة صغيرة ملح. فانيليا
**اخلطي الزبدة مع السكر عادي بمضرب البيض بعدين ضيفي البيض والفانيليا واخلطيهم كويس 
ضيفي الحلاوة وقلبي ضيفي الدقيق والبيكينج باودر والملح وقلبيهم كلهم مع بعض
جهزي صينية يفضل المخرومة من النص وادهنيها وتكوني مسخنة الفرن على درجة حرارة ١٨٠ 
ودخليها لحد ما تستوي
لما تطلع سبيها تبرد بعدين اقلبيها واعمليلها صوص عبارة عن شوية كريمة مخفوقة على معلقة قشطة ومعلقة كبيرة عسل اسود وتقلبيهم كويس بحيث تبقى سائلة علشان تعرفي تعمليها بالشكل اللي انا عاملاه دا
وبس 



الاثنين، 13 يناير 2014

فراخ بالقشطة

صدور فراخ مقطعة مكعبات
بصل وثوم مفرومين
بطاطس مقطعة مكعبات 
مكعب مرقة وفلفل اسود و مستردة
طماطم وفلفل اخضر مقطع مكعبات
علبة قشطة
** نضع البصل على النار مع القليل من الزيت
لما يدبل شوية نضع قطع الفراخ والثوم والبهارات ومكعب المرقة يفضل على نار متوسطة لحد ما يشرب مايته
نضيف شوية ماية صغيرين علشان يستوي نص سوى
نقلب مكعبات البطاطس مع معلقة مستردة والطماطم والفلفل الأخضر ونضعها في صينية الفرن ونضع عليها خلطة الفراخ 
بعدين نضع علبة القشطة على الوش مع شوية ماية علشان البطاطس تستوي
تدخل الفرن علشان تاخد لون ويبقى فيها شوية ماية زي صوص

الأربعاء، 8 يناير 2014

كزبرية الفلفل

 مقبلات لذيذة كزبرية الفلفل ممكن تعمليها على الغدا
فلفل اخضر تقطعيه مكعبات وتحمري في الزيت.
في طاسة حطي معلقة زيت وفص ثوم ومعلقة كبيرة كزبرة ناشفة مطحونة يتحمروا شوية بعدين حطي معلقة صلصة وشوية ماية وحطي عليه الفلفل المقلي ياخد تقليبة خفيفة بعدين اغرفيه في الطبق وبالهنا والشفا

السبت، 4 يناير 2014

ريد ڤيلڤيت(الكيكة المخملية)


نضع في الخلاط بيضتين مع شوية فانيليا ونخلط شوي بعدين بنضيف كوب وربع سكر ويخلط جيدا ثم نضع ملعقتين كبار لون احمر نص كوب زبدة سايحة ونص كوب زيت ويخلط الكل جيدا
نخلط ٢ ١/٢ كوب دقيق مع ملعقة ونص صغيرة  كاكاو
نبدأ نحط الدقيق على خليط البيض بالتناوب مع كوب حليب وكوب لبن زبادي الى ان تنتهي الكمية
في الاخر نضع ملعقة خل كبيرة على ملعقة صغيرة بيكربونات صودا وتخلط جيدا 
تصب في قالب كيك مدهون على درجة حرارة ١٨٠ الى ان تستوي
ممكن تقسمي الخليط على صينيتين نفس الحجم بدل صينية واحدة
للغلاف:
١٠٠ جرام زبدة طرية، ٤٠٠ جرام جبنة كريمية حلوة، كوب سكر ناعم منخول وشوية فانيليا
وبس وتشوفي الطعم لو محتاجة سكر تاني والثقل يبقى مضبوط