شعيرية بالحليب

 أولا انا بعملها من غير مقادير. بتجيبي الشعيرية وتحمريها في حتة زبدة وتخلي بالك علشان مش تتحرق بعدين بتدوبي كمية السكر اللي انتي عايزاها في نص كوب ماية وتضيفها على الشعيرية بعدين تضيفي مثلا نص كوب حليب وتوطي النار خالص وتقلبيها هتلاقيها شربت الماية واللبن لو احتاجت زودي شوية لبن لحد ما تستوي وهتلاقيها سايبة كدة شوية. الفكرة من الماية أنها تخليها مفلفلة مش ملزقة. وممكن تعمليها بالحليب المكثف وتحطي ماية برضو

الكيكة المالحة

١/٢كوب حليب،١/٢ كوب زيت،٢ بيضة،٢م ص bp,١/٢ م ص ملح،٢م ص سكر،شوية فلفل اسود

كله يضرب مع بعضه كويس بعدين نحط ١ ١/٤ كوب دقيق ويخلط

بعدين نضع كل انواع الجبنه ،لانشون سويس. ويختلط مع بعضه وتدخل الفرن لحد ما تتحمر

ممكن نحط على الوش حبة البركة وممكن نحط في العجينه نعناع ناشف

*براوني مع جوز الهند:

نصف كوب زبدة سايحة + بيضة+ نص كوب سكر + نص كوب كاكاو + كوب دقيق+ربع كوب حليب

تخلط المقادير وتصب في صينية مربعه صغيرة

تدخل الفرن  لحد ما تبقى نص سوى

بعد خروجها من الفرن تترك حتى تبرد (مش لازم تبرد اوي) ونعمل الطبقة الثانية : 

بيضتان، فانيليا، ٣/٤ كوب سكر، كوب دقيق، كوب جوز هند ، ربع كوب حليب ،يصب فوق البراوني ويرش على الوجه جوز هند وتدخل الفرن حوالي ٣٠ دقيقة

بعد تبرد تقطع مربعات ولازم نكون مبطنين الصينية كويس

يفضل تتاكل دافية

كيكة الليمون

تسلق لمونتين لمدة ساعة وبعدين نسيبها تبرد. بعد ما تبرد اقطعها اربع قطع واشيل البذر واضربه في الخلاط مع نص كوب سكر عشان تبقى زي العجينة. في الخلاط كوب زبدة مع كوب سكر يضرب جيدا ثم يضاف 4 بيضات بيضة بيضة مع الفانيليا بعدين أضيف عجينة الليمون ثم كوب لوز مطحون ثم كوبين دقيق ويقلب جيدا وتصب في قالب مدهون وتدخل الفرن لحد ما تستوي. اطلعها ولما تبرد اعمل ايسنج : كوب سكر وشوية لبن وملعقة زبدة بحيث أنها تبقى يدوب تتصب. وبس و بالهنا 

البغاشة

• 

   كوب دقيق، ذرة ملح ، بيضة ، شوية فانيليا ثلاث او اربع معالق ماية كله يقلب مع بعضه وتقسميها اربع كور وتسبيها ترتاح نص ساعة. بعدين تفردي كل كورة لوحدها رفيع اوي بعدين تحطيهم على بعض وهما مفرودين وترجعي تفرديها تاني رفيع خالص. بعدين تقطعيها وتقليها في الزيت بس خاللي بالك علشان مش بتاخد وقت وممكن تتحرق. ولما تطلع تحطي عليها سكر بودرة أو شربات. وبس بالهنا والشفا

صينية سمك اروس

السمك الاروس. تفتحيها سنجاري تغسليها كويس وتحطيها في صينية متغطيه بالفويل ومدهونة زيت. وتحطي السمكة وتبليها ملح وكمون من الجلد من برة ومن جوة. تمام. بعدين تعملي خلطة عبارة كزبرة خضرا وتوم مفروم ولمون بعد ما عصرتها على السمكة قطعتها قطع صغيرة وجمبري صغير وملح وكمون تحطيها في نص السمكة زي الصورة. بعدين تقطعي بطاطس شرائح ولمون شرائح وتحطيها تحت السمكة وتدخليها الفرن السخن ومش بتاخد وقت خالص يعني تقريبا ثلث ساعة أو لحد ما تلاقيها استوت بس من غير ما تتهري. وبس

طاجن سبيط

تجيبي السبيط تنضفيه وتقطعيه حلقات وتحطيه على النار في طاسة على نار عالية هينزل ماية ويشربها ساعتها تزودي شوية زيت وتكوني مقطعة مثلا ثلاث بصلات شرائح علشان هو بيحتاج بصل كتير وتبدأي تحمري كله على بعده لما يتحمر شوية قطعي طماطماية مكعبات وضفيها وقلبي تقليبه بعدين تقطعي شوية كزبرة خضرا وضفيها وتاخد كمان تقليبه بعدين معلقتين ثلاثة صلصة على حسب كمية السبيط اللي عندك وشوية ماية وملح وفلفل وكمون ووطي النار لحد ما يستوي السبيط بعدين حطيه في صينية فرن ودخليه على الفرن يتسبك وطبعا لازم يكون فيها شوية سائل. وبس

الفراخ المقرمشة

اول حاجة نغسل الفراخ لو وراك أو صدور بالعظم وممكن نستخدم الصدور المخلية أو الوراك المخلية. عملت نفس خلطة الكرنبيط ( بيضة ، ملعقة دقيق شوية ملح وفلفل وبهارات وكمون وربع ملعقة بكينج صودا علشان تبقى خفيفة وهشة ومعلقة صغيرة نشا وملعقتين لبن رائب وشوية ماية بحيث ان الخليط يكون مش سميك ومش خفيف بعدين سبتها في الخلطة دي ساعة تقريبا

بدأت اقليها بالنسبة لأجزاء الفراخ اللي بالعظم حطيت زيت غزير وبعد ما سخن حطيت الفراخ ووطيت النار خلتها متوسطة وغطيت عليها علشان تستوي كويس لانها بتاخد مش اقل من نص ساعة مع التقليب المستمر وطبعا كل ما الكمية زادت بتاخد وقت اكتر وبتعرفي أنها استوت لما تغرسي فيها سكينة تلاقيها ما تطلعش دم وبتكون طرية. بتطلع بعد كدة مقرمشة وجميلة

مقرمشات الأرز:

*مقرمشات الأرز:

نسيح كيس شوكلت شيبس، نضع في حلة قالب زبدة كبير ونضع عليه حوالي ٤ مارس

بعد ما تسيح  نضع  علبة مقرمشات الرز بعدين نضعها في صينيه مدهونة وعليها نصب الشوكولا  السايحة وتدخل الثلاجة ثم تقطع
ملاحظة:ممكن عمل نصف الكمية

المقلوبة

نحمر باذنجان ، جزر ، بطاطس ، نسلق لحمة. بعد ما نغسل الرز كويس نقلبه شوية في زيت على سمنة بعدين نرص طبقة بصل بطاطس جزر باذنجان ونحاول ان ما يكنش في فراغات بينهم بعدين نحط الرز ويتساوى كويس بعدين نحط الماية السخنة مع الملح والفلفل والكمون لحد ما نغطي الرز بعد ما يغلي نوطي عليه خالص ونغطيه لحد ما يستوي. وبس. بالهنا والشفا

مكرونة بالتونة

نسلق المكرونةونصفيها ونرجع نحطها في الحلة ونحط معاها علبة تونة وزيتون مقطع وبصل اخضر وشوية ملح وفلفل وكمون

ويقلب كله مع بعض. 

بعدين نحطها في صينية فرن وضع على الوش جبنة موزاريللا كتير وندخلها تحت الشواية لحد ما تتحمر. 

ثم تقدم بالهنا والشفا.