قراقيش بالجبنة

٢ ١/٢ كوب دقيق 

كوب زبدة 

كوب جبنة كاسات( ممكن مثلثات أو كيري)

ملعقة صغيرة ملح

كله يتعجن مع بعض بعدين نرش طاولة العمل بالدقيق ونفرد العجين ويقطع بالطول

نرصه في صواني مرشوشة دقيق وندهن الوش بيض ورش عليه حبة البركة ، سمسم ، كمون. زي ما تحبي

يخبز في فرن متوسط الحرارة لحد ما يحمر شوية من تحت وممكن نفتح الشواية شوية صغيرين علشان وشه يتحمر وبس

كفتة داوود باشا

نص كيلو لحمة مفرومة نبشر عليها بصلة وفصين ثوم وشوية ملح وفلفل وبهارات 

نكورها كور متوسطة الحجم ونحمرها تحمير خفيف 

نجيب حلة على النار فيها معلقتين زيت ونقطع بطاطس مكعبات صغيرة وتاخد تقليبة خفيفة في الزيت 

 نبشر ثلاث حبات طماطم مع معلقتين صلصة وشوية ماية وملح وفلفل ونحطهم على البطاطس ونضع معاهم حبات الكفتة ونوطي النار عليهم لحد مايتبسكوا وبس تقدم مع رز بالشعيرية وبالهنا والشفا 

حراق أصبعو

للعجينة

• 200 غ (½1 كوب) طحين (نوعية ممتازة)، منخول + كمية اضافية للرش
• 1 بيضة
• 1 ملعقة طعام حليب بودرة
• 2 ملعقة طعام زيت الزيتون
• 80 مل (1/3 كوب) ماء
• ½ ملعقة صغيرة ملح

للعدس

• 200غ (1 كوب) عدس بني كبير
• 1 لتر (4 أكواب) ماء
• 100 غ (½ كوب) تمر هندي مجفف
• عصير ليمونة واحدة
• 2 بصلة، مفرومتان ناعماً
• 5 فصوص ثوم، مفرومة ناعماً
• 4 ملاعق طعام زيت زيتون
• ملح حسب الرغبة

للتزيين

• 4 فصوص ثوم، مهروسة
• 6 ملاعق طعام كزبرة طازجة، مفرومة ناعماً
• 1 ملعقة طعام زيت زيتون
• 1 ملعقة طعام صنوبر محمص
• 1 بصلة، مقطوعة نصفين ثم مشرّحة
• 1 ملعقة طعام طحين
• 1 ملعقة طعام حب الرمان
• زيت نباتي، للقلي

طريقة التحضير

للعجينة

1. نضع الطحين في وعاء كبير ونضيف له حليب البودرة.
2. في وعاء آخر نمزج الملح مع زيت الزيتون والبيضة والماء.
3. نخلط الطحين مع حليب البودرة ونصنع حفرة في وسطه.
4. نجمّع الطحين مع المكونات في مركزه حتى نصنع كرة عجين، ندعكها حتى تصبح ناعمة الملمس.
5. نغلف العجينة بورق نايلون غذائي وندعها ترتاح لمدة 10 دقائق بدرجة حرارة الغرفة.
6. ننثر بعض الطحين على سطحي العجينة العلوي والسفلي حتى لا تلتصق.
7. نقوم بعدها بمد العجينة حتى تصبح بسماكة 2مم.
8. ننثر على سطح العجينة كمية وافرة من الطحين ثم نقطع العجينة إلى مربعات بقياس 1 سم
9. ننثر كمية وافرة من الطحين على مربعات العجين ثم نفصل المربعات عن بعضها البعض وننقلها الى طبق كبير ونغلف الطبق بورق نايلون غذائي ونضعه في البراد.

للعدس

1. نغسل العدس بالماء ونصفيه ثم نغليه مع ال لتر ماء ثم نخفف النار ونسلق لمدة 15 دقيقة.
2. نسخن زيت الزيتون في طنجرة أخرى كبيرة ونقلّب فيه الثوم والبصل لدقيقتين.
3. نضيف العدس المسلوق مع مرق العدس إلى طنجرة البصل والثوم، ندعه يغلي ثم نخفف النار وندعه يطهى بهدوء لمدة 10 دقائق.
4. نضيف 3/2 مربعات العجينة بشكل تدريجي مع التحريك لمدة 8 – 10 دقائق حتى تغرق المربعات في المرق.
5. نسلق التمر الهندي المجفف في 300 مل (1¼ كوب) ماء مدة 4 دققائق على نار خفيفة ندعه يبرد ونعصره.
6. نضيف عصير التمر الهندي الى طنجرة مربعات العجين ثم نضيف عصير الليمون ثم نعدل الملح حسب الرغبة ونتركه يطهى بهدوء لمدة 6 دقائق على نار خفيفة. نحرك باستمرار، وفي حال كان المرق غير سميك عندها نضيف 2 – 3 ملاعق طعام من الطحين ممزوجاً ببعض الماء.

للتزيين

1. نسخن زيت الزيتون في مقلاة ونقلّب فيه الثوم والكزبرة لمدة ½ دقيقة.
2. نخلط البصل مع بعض الطحين ونقليه بكمية وافرة من الزيت النباتي ثم نصفيه.
3. نقلي ما تبقى من مربعات العجينة في الزيت النباتي مع الحرص على عدم ترك طحين على المربعات قبل القلي ثم نصفيها.

تجهيز الطبق

1. ننقل خليط العدس إلى طبق تقديم ونضيف خليط الكزبرة والثوم في الوسط على شكل خط، ثم نضيف البصل على جانب هذا الخط ومربعات العجينة المقلية على الجانب الآخر ثم نوزع الصنوبر المحمص على سطحه ثم حب الرمان.

كنافة

• انا الطريقة دي واخداها من برنامج ولا بالأحلام
• 300 جرام سكر
• 150 ملل ماء
• 1 عود قرفة
• 3 مسمار قرنفل
• قشر ½ برتقالة
• 2 فص حبهان (هيل)

الكنافة:

• ½ كيلو كنافة
• 1 كوب سمن

المكسرات:

• 500 جرام لوز مقشر
• 200 جرام سكر
• 60 جرام ماء

الحشو:

• 2 مغلف دريم ويب
• 1 علبة ماسكاربوني

التقديم:

• 1 مغلف دريم ويب 
•  كوب حليب 

طريقة التحضير

1.  يوضع السكر والماء على الموقد المرتفع الحرارة حتى يذوب السكر ثم تضاف القرفة والقرنفل وقشر البرتقال والحبهان ثم تخفض الحرارة ويترك ليغلي على موقد متوسط الحرارة لمدة 5 دقائق.

الكنافة:

1.  تخلط الكنافة مع كوب السمن المذابة مع تقطيع شعيرات الكنافة إلى طول أقصر
2.  توضع الكنافة في صينيتين فرن بنفس الحجم
3.  يوضع ثقل فوق الكنافة وتخبز في فرن بدرجة حرارة 180 درجة مئوية حتى تصبح الكنافة ذهبية اللون
4.  يسكب الشربات على الكنافة.

المكسرات:

1.  يحمص اللوز في الفرن
2.  يحضر الكاراميل بوضع السكر والماء في قدر على نار متوسطة حتى يذوب السكر ثم ترفع الحرارة ويغلى السكر والماء حتى يصبح السكر بلون الكارامل
3.  يسكب اللوز المحمص فوق الكارامل ويخلط جيدا ً حتى يغلف الكارامل كل اللوز ثم يصب على ورق خبز
4.  بقدر الإمكان تفصل كل حبة لوز عن الأخرى
5.  يجرش اللوز بالكارامل بضغطه بالمرقاق مع ترك بعض اللوز كاملا ً للتزيين

الحشو: 

1.  يخفق الدريم ويب مع الماسكاربوني حتى يمتزج الخليط تماما ً ويصبح كالقشدة

التقديم:

1.  توضع طبقة كنافة على طبق التقديم
2.  يضاف اللوز المجروش إلى خليط الدريم ويب ويقلب جيدا ً ثم يوضع فوق أول طبقة من الكنافة
3.  توضع طبقة الكنافة الثانية فوق قشدة الدريم ويب ثم تزين الكنافة بوردات من كريمة الدريم ويب المخفوقة مع الحليب. 
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   

لحمة على الطريقة الهندية

 لحمة مكعبات تنقعيها في كوب لبن رائب ثلاث فصوص ثوم مفروم ، ملعقة صغيرة جنزبيل طازة، ملعقة كبيرة خل تفاح تقلب اللحمة في الخلطة كويس وسبيها في الثلاجة ليلة كاملة. 

تحطي معلقتين زبدة في حلة وعليهاثلاث حبات حبهان و حبتين قرنفل وعود قرفة وتقلبيها دقيقة على نار متوسطة بعدين تضيفي بصلتين مفرومين ناعم مع فصين ثوم مفرومين ومعلقة صغيرة جنزبيل 

#وقلبي لحد ما تصفر البصلة او تدبل شوية ضيفي ثلاث معالق صغيرة كمون ومعلقتين صغيرين كزبرة ومعلقة ونص بابريكا تقلبيها دقيقة بعدين ضيفي اللحمة بالخلطة بتاعتها مع نص كوب مرقة ولما تغلي توطي عليها النار خالص وتغطيها لمدة ساعة ونص بعدين تشيلي غطى الحلة وسبيها كمان نص ساعة لحد ما السائل يقل شوية ويكون صوص تقيل شوية. وساعة التقديم تحطي على الوش نعناع وكزبرة طازة مفرومين

وبس. بالهنا والشفا

مهلبية قمر الدين مع رز بلبن

اول حاجة بتعملي رز بلبن زي ما بتعمليه وتحطيه في قعر الكبايات طبعا بالكمية اللي انتي عايزاها. بعدين تعملي مهلبية قمر الدين(

بصي يا ستي جيبي نص لفة قمر الدين حطيها على النار مع مثلا كوبايتين ماية 

على نار متوسطة وتقلبي علشان يدوب خالص بعدين دوبي معلقة كبيرة نشا في نص كوب ماية وضيفيها على قمر الدين ووطي النار خالص وقلبي وحطي كمية السكر اللي انتي عايزاها تاخد غلوة كدة مثلا بعدين تصبيها في الأطباق ولما تبرد خالص حطي على وشها مكسرات زبيب جوز هند زي ما انتي عايزة. وبعدين دخليها الثلاجة بعد ما تغطي وشها علشان مش ينشف. وبالهنا والشفا

لقمة القاضي ( الزلابية)

٢كوب دقيق ، ٢ كوب ماء دافي ، نص معلقة بيكينج باودر ، نص معلقة سكر ، نص معلقة ملح ، معلقة كبيرة خميرة معلقة كبيرة حليب بودرة ،كله يخلط مع بعض ويترك يخمر ساعة 

بعدين نسخن الزيت عميق ونبدأ نعمله ويطلع من الزيت على الشربات أو يرش بالسكر البودرة زي ما انتي عايزة. وبالهنا والشفا

بطة محشية

انا حشيت البطة بصل شرائح وجزر ودهنتها بالملح والفلفل برة وجوة وسخنت الحلة جامد وشوحت البطة لحد ما اخدت لون كويس من كل الجوانب بعدين حطيت ماية سخنة وسلقتها مع ملح وفلفل حبهان ومستكة وقرفة عيدان. بعد ما استوت حطتها في صينية ودهنتها صلصة وزبدة ودخلتها الفرن تتحمر وبالهنا والشفا

طاجن لسان عصفور بالباشاميل

مش انا عملت لسان عصفور بالباشاميل. بس وشه اتحروق شوية

بتعملي لسان عصفور عادي تحمريه وتسويه. وتعملي باشاميل وتعصجي لحمة. 

طبقة لسان عصفور بعدين الحمة بعدين طبقة الباشاميل. ودخليها الفرن تاخد وش وبالهنا والشفا

تشيز كيك

بسكوت يطحن مع زبدة ويوضع في الصينية ويدخل في فرن سخن خمس أو سبع دقائق. 

نعمل الخلطة علبتين فيلادلفيا أو علبة كبيرة مع 400 جرام كريمة تضرب الكريمة الأول ثم نضيف الجبنة والسكر البودرة تقريبا خمس معالق كبيرة ومعاهم ملعقة كبيرة جيلاتين مذوبة في نص كوب ماء دافئ وبشر ليمون وكله يضرب مع بعضه ثم يضاف فوق البسكويت ويدخل الثلاجة مش اقل من سبع ساعات أو يومكامل بيبقى أحسن وقبل التقديم يضاف المربى المخصوص بالتشيز كيك. وبس

دا التشيز كيك في ابسط صوره. في طرق كتيرة تانية لما اعملها انشاءالله هعرضها

بانا كوتا

عملت كباية حليب على كريمة م ربع كوب سكر بودرة وفانلياعلى النار لما تغلي أحط الجيلاتين. وفي قعر الطبق كنت حاطة جيلي ولما جمد حطيت الحليب بالجيلاتين

عدس مطبوخ

كوب عدس يغسل ونضعه على النار مع كوبين من الماء وبصلة مقطعة وفصين ثوم وملح وفلفل بعد ما تغلي المية نضع مكعب ماجي وشوية كمون وملعقة أو اتنين صلصة ونوطي النار ونسيبها تستوي يعني يمكن نص ساعة ونقفل عليها بحيث يبقى فيها شوية صوص.

الطماطم: نجيب طماطم جامدة ونعمل فيها شق على شكل زائد ونحط فيها خلطة مكونة من فص ثوم وملعقة صغيرة خل وشوية ملح وفلفل اخضر. وبالهنا والشفا

كوردن بلو

نجيب صدور الفراخ وندقدها شوية بين كيسين بالنشابة عشان تتفرد واحشيها زبدة مضروبة مع الثوم وجبنة موزاريللا ولانشون رومي مدخن ولفيه كويس وحطيه في الدقيق بعدين البيض والبقسماط وطبعا براحة وتحاسبي عشان ما تتفتحش وتحاولي تضغطي عليها بس براحة وتحطيها في الفريزر ساعة عشان تمسك كويس. وبس بالهنا والشفا

بودنج الموز

كوب دقيق،  ٣ معالق صغيرة بيكينج باودر 

شوية ملح ، ربع كوب سكر ,بيضة مخفوقة، فانيليا 3/4 كوب حليب. نص كوب زيت. تقلب المقادير كلها مع بعض ثم يضاف موزة مهروسة وتصب في صينية مدهونة. 

نعملها صوص من: كوب ماء ساخن مع نص كوب سكر بني (وان لم يوجد يضاف ملعقة عسل اسود مع السكر السكر الأبيض ) وممكن إضافة عسل نحل لمزيد من النكهة الحلوة 

ثم تدخل الفرن إلى ان تستوي هي هتعلى ووشها هيتحمر 

ولما تطلع هيبقى فيها الصوص بتاعها تتاكل دافئة مع الكريمة أو الايسكريم

البنوفي

عبوة بسكوت مطحون  نصب عليه شوية زبدة سايحة يقلب ويفرد على صينية ويدخل الفرن خمس دقائق تقريبا

نضع على النار تقريبا نص كوب زبدة مع نص كوب سكر بني ونخليهم على النار لحد ما يبقى كراميل بعدين نضيف عليه علبة حليب مكثف ولو عايزاها أخف حطي بدالها علبة قشطة 

صبيها فوق البسكوت وزينيها بالموز وعلى الموز حطي كريم شانتيه علشان الموز ما يسودش
ممكن تزودي كمية الموز زي ما انتي عايزة بس المهم تغطيه بالكريمة
وممكن تخلطي الكريم شانتيه مع علبة جبنة فيلادلفيا لمزيد من النكهة بس ساعتها هتزيدي عليها معلقتين سكر بودرة

وبس 

مكرونة بالكريمة وشرائح اللحمة

اربع قطع لحمة ستيك تسخني الطاسة كويس اوي وتحطي عليها اللحمة تاخد لون من الوشين بعدين تضيفي شوية ماية علشان تستوي. 

تقفلي عليها وتسبيها ترتاح شوية بعدين تقطعيها شرائح

نسلق المكرونة ونصفيها 

نقطع بصلة صغيرة مكعبات صغيرة اوي ونفرم فصين ثوم ونحطهم على النار مع معلقتين زيت زيتون تاخد تقليبه بس تتبدل من غير ما لونها يتغير

دلوقتي نحط شوية ملح وفلفل ونص مكعب مرقة ونص كوب كريمة وشوية جبنة تركي مبشورة أو اي نوع جبنة عندك 

تحطي دلوقتي المكرونة وتاخد تقليبه حلوة كدة بعدين ترشي على الوش شوية جبنة وتغطيها وتقفلي عليها. 

تحطي المكرونة في طبق التقديم وترصي عليها قطع اللحمة 

وبالهنا والشفا