كيك شبه البراونيز

الطبقة الاولى 

كوب ونص دقيق ، فنجان ماء دافئ ، تقريبا ١٥٠ جرام زبدة ، ملعقتين كبار سكر بودرة

اعجنيهم مع بعض وافرديها في صينية بايركس مدهونة بنقطة زيت

الطبقة الثانية

كوب ونص دقيق

كوب ونص سكر

كوب زيت

ثلاث بيضات 

فانيليا، ذرة ملح

ملعقة صغيرة قرفة

ملعقة صغيرة بيكينج باودر 

كوب جوز مكسر

ثلاث معالق كبيرة كاكاو 

نخلط البيض مع السكر والزيت والفانيليا بمضرب البيض او في الخلاط جيدا

ثم يضاف باقي المقادير ويقلب عادي بالملعقة 

تصب فوق الطبقة الاولى وتدخل الفرن على درجة حرارة ١٧٠ لحد ما تستوي 

لما تطلعيها أستني لما تبرد خاااالص بعدين قطعيها

ملاحظة ( انا عملتها مرتين مرة بالطبقة الاولى ومرة من غير الطبقة الاولى والاتنين حلوين

دي من غير الطبقة الاولى

دي مع الطبقة الاولى

مربعات الجوز

الطبقة الاولى: كوب دقيق تقريبا ١٠٠ جرام زبدة بحرارة الغرفة معلقتين سكر بودرة

يخلط باليد جيدا ثم يفرد في صينية بايركس ويدخل الفرن الساخن من قبل لمدة عشر دقائق 

الطبقة الثانية : كوب جوز مطحون ، كوب جوز هند، كوب سكر ، ثلاث بيضات ، فانيليا ملعقة صغيرة قرفة

اول حاجة نضرب السكر مع البيض  بمضرب البيض ثم تضاف باقي المكونات ويقلب عادي بالملعقة 

وتصب فوق الطبقة الاولى وتعاد للفرن مرة اخرى على درجة حرارة ١٧٠ لمدة نص ساعة تقريبا

او لحد ما تستوي

بعد ما تطلع من الفرن هستنى لحد ما تبرد خاااالص بعدين تقطع وبالهنا والشفا

البيتزا

المقادير

3كوب دقيق

3مﻻعق لبن بودرة

1معلقة كبيرة سكر 

3ملعقة كبيرة زيت زيتون

معلقة صغيرة ملح 

معلقة كبيرة خميرة فورية

ماء دافئ للعجن

مقادير الصلصة

2معلقة زيت زيتون

2طماطم كونكاسيه يعنى مسلوقة فى ماية لمده 3دقائق و متقشرة و بعدين تتهرس فى الفود بروسيسور

فصيين توم

معلقتين كبار كاتشب

معلقة صلصة

زعتر 

ملح و فلفل

الجبن موتزاريﻻ و بلو تشيز و جبنة رومى و جبنة امونتال ممكن الجوده بدلها

الطريقه

تضاف كل مقادير البيتزا فى العجان و تقلب ثم يضاف الماء ﻷعجن لمده ﻻ تقل عن ربع ساعه بالعجان او ساعة اﻻ ربع لو هتعجنى على ايدك لحد ما تبقى عجينة متماسكة مش بتلزق فى ايدك و لونها فاتح و متجانسة و غطيها و سيبيها تخمر 

نعمل الصلصة الزيت يسخن و نضيف التوم نحمرة حاجه بسيطة و نضيف الطماطم و الكاتشب و الصلصة و الزعتر و الملح و الفلفل و نسبهم يتسبكوا اوى علشان او متسبكش يخلى البيتزا كأنها مبلولة

بعده كده نفرد جزء من العجين بسمك نص سم و نضيف الصلصة و نحطها فى الفرن و يكون الفرن عالي 230 درجه مئويه

لحد ما تحمر من تحت نطلعها و نضيف كل الجبن بالكميات اللى تعجبكوا و ندخلها تحت الشوايه لحد ما الجبنة تحمر 

و اول ما نطلع ندهنها بحتة زبده صغيرة علشان و شها يلمع 

و بالهنا و الشفا

فراخ بيكاتا

صدور فراخ تغمس في البيض ثم الدقيق

البيض يكون متبل ملح وفلفل وانا بحب أحط معلقتين حليب

ثم تقلى في الطاسة مع شوية زيت مش كتير لحد ما تتحمر

نحطها على جنب

 نغسل الطاسة ونرجعها على النار ونحط فيها شوية ماية وملح وفلفل ونص ليمونة كبيرة او ليمونة كاملة صغيرة

نضع الفراخ فيها ونسيبها على النار تغلي شوية على الجانبين 

لحد ما المية تقل شوية وفي الاخر ممكن تحطي حبة كريمة صغيرين دا اختياري

وبس 

فيتو تشيتي بصلصة الماشروم

تسلق مكرونة فيتو تشيتي وتصفى

في حلة نبشر بصلة صغيرة مع فصين ثوم وشوية زيت صغيرين يدبل شوية 

نحط كمية من الماشروم ويقلب شوية 

نضع نص كوب ماء مع الملح والفلفل وشوية بهارات ونسيب الماية تغلي 

نضع نص كوب كريمة لحد ما الخليط يغلي نضع المكرونة 

تقلب جيدا ونسيبها شوية على النار بحيث ان السائل ما يكنش كتير

يغرف ويتاكل سخن

كيكة الزبادي

٢ كوب دقيق، ٢ علبة زبادي ( روب) ، ٣/٤ كوب سكر ، ملعقتين صغيرين بيكينج باودر ، ذرة ملح، بيضتين

الطريقة:

يخلط البيض مع السكر جيدا ثم يضاف باقي المواد وتقلب عادي بالملعقة الخشب جيدا 

تجهزي صينية وتدهنيها كويس وترشيها بالدقيق وتصبي الكيكة 

تكوني مسخنة الفرن من قبل وتدخليها على درجة حرارة متوسطة لحد ما تستوي 

تكوني مجهزة شربات خفيف وأول ما تطلع من الفرن( خرميها شوية بالسكينة علشان تتشرب كويس) تسقيها بيه. 

وبالهنا والشفا

عزيزية

 /ربع كيلو مكرونه مسلوقه كويس نص لتر لبن 3معالق كبيره نشا ٣/٤ كوب سكر عادى بيضه فانيليا اول حاجه هنعملها هنحط فى الخلاط كميه اللبن وباقى المكونات كلها والمكرونه كلها ونخلطهم كويس ثم نضعها فى حله على النار تغلى حتى يغلظ قوامه وممكن نحط معاها شوية مكسرات واللي بيحب جوز هند ممكن يحط كمان  بعد كده ندهن صينيه بالزبده او السمن ونضع فيها الخليط وندهن الوجه بالزبده وانا حطيت رشة كريمة سائلة ثم توضع فى الفرن لحد ما يتحمر وشها وبالهنا والشفا

كيك طبقات القرفة

اولا في الخلاط 

٣/٤ كوب زيت

٢ كوب سكر

٤ بيض 

٢ كوب حليب

فانيليا يخلطوا جميعا لمدة عشر دقائق

ثم يضاف كوب ونصف دقيق 

ملعقتين صغيرين بيكينج باودر

رشة ملح 

ويخلطوا بالمضرب السلك

مقادير الحشو:

 نص كوب كاكاو

ربع كوب قرفة

نص كوب سكر بودرة 

نبدأ بتشغيل الشواية في الفرن

نجيب صينية وندهنها ونضع مقدار صغير من العجينة وندخلها تحت الشواية لحد ماتستوي

نطلعها ونرش عليها من خلطة القرفة 

بعدين نحط مقدار اخر من العجين وتدخل الفرن تحت الشواية لحد ما تستوي طبعا مش باخد وقت كتير ونطلعها

ونرشها بالخلطة وهكذا لحد ما يخلص مقدار العجين

بعد اخر طبقة عجين لما يستوي تحت الشواية نقفل الشواية ونفتح الفرن على اساس ان الطبقة اللي تحت تتحمر وتستوي

بعد خروجها وتبرد نصب فوقها الصوص

• 1 بياض بيض
• 1 ملعقة كبيرة ماء ورد
• 1 ملعقة صغيرة زيت نباتي
• كمية غير محددة من السكر الناعم المنخول

الطريقة:

• يخلط بياض البيض، ماء الورد، والزيت ويخفق قليلاً بواسطة ملعقة ثم يضاف السكر الناعم المنخول تدريجياً مع الخلط إلى أن نصل إلى القوام المطلوب

كيكة الشوكولاتة بالعسل

في الخلاط 1 ١/٣ دقيق ، كوب إلا ربع  سكر بني ، ٢٢٥ جرام زبدة ،١م ك كاكاو ،  

معلقة صغيرة بيكينج باودر ، نص كوب عسل نحل ،اربعة اونصة نص كوب شوكولا سايحة ، بيضتين يضرب الكل ثم يضاف كوب ماء ساخن ويصب في صينية يفضل اللي بتفتح ويدخل الفرن. 

نعمل صوص

اربع معالق كبيرة ماء على النار عند الغليان يضاف نص كوب عسل نحل عند الغليان أطفئ النار وأضيف ١٧٥ جرام شوكولا غامقة بعد ما تسيح أضيف نص كوب وملعقتين سكر بودرة وتقلب ثم تصب على الكيكة بعد ان تبرد. 

.