عيش بالبطاطا الحلوة

عيش بالبطاطا الحلوة

½2 ملعقة صغيرة خميرة جافة4 ملعقة كبيرة سكر أبيض½ كيلو بطاطا حلوة مهروسة.½ كوب ماء دافئ3 ملعقة كبيرة زبدة طرية.1 ملعقة صغيرة ملح.2 بيضة مخفوقة قليلاً3-4 كوب دقيق 

تذاب الخميرة مع 1 ملعقة صغيرة سكر في الماء الدافئ وتُترك لترتاح لمدة 5 دقائق. تُخفق الزبدة مع الكمية المتبقية من السكر في وعاء كبير، يضاف البيض والبطاطا الحلوة والملح ويُقلبوا مع الخليط، ثم يضاف خليط الخميرة. يضاف الدقيق تدريجيًا، 1 كوب في كل مرة، تعجنيها ويدوب تلم معاكي

رشي الترابيزة بالدقيق وحطي عليها العجين ولميها بالدقيق تكون طرية يدوب يعني ماتلزقش في الايد.

ادهني طبق غويط بالزيت وحطي العجينة تخمر 3-4 ساعات ويفضل من بليل للصبح.

لما تخمر قسميها كور وحطيها في صينية مدهونة او مفروشة ورق زبدة.

وسيبيها تخمر تاني لمدة ساعة او اتنين حسب الجو

سخني الفرن على حرارة 200 ودخليها تستوي لما وشها يحمر تبقى خلاص استوت.

بتبقى طرية جدا وحلوة.

انا اخدت الطريقة دي من مطبخ سلمى على فتافيت

سوفليه الرز

سوفليه الرز

بواقي رز عندك ولو مفيش اعملي كوب رز مفلفل وسبيه يبرد.

دلوقتي طاسة على النار حطي فيها سدق مقطع لحد مايتحمر حطي معاه ثلاث معالق جبنة تركي مبشورة ونص كوب حليب دلوقتي حطي الرز عليه واقلبيه واقفلي النار.

هاتي ثلاث حبات بيض افصلي الصفار عن البياض خدي الصفار حطيه على الرز مع شوية فلفل اسود وقلبيه

اضربي البياض بمضرب البيض مع شوية ملح لحد مايجمد ضيفيه على الرز شوية شوية وقلبي 

جيبي طبق فرن وادهنيه سمنة او زبدة وصبي الرز فيه ورشي على الوش جبنة موزاريلا لو عايزة.

دخليه الفرن لحد ما الوش يحمر.

وبالهنا والشفا.

ممكن تعمليه من غير سدق يبقى رز بس