الخميس، 30 أبريل 2015

الحلاوة الطحينية

حلاوة طحينية بيتي
نص كوب سكر بودرة. نص كوب حليب بودرة. ٣/٤ كوب طحينة.
اخلطي السكر مع الحليب بعدين ضيفي الطحينة قلبيها كويس هتلاقيه أصبحت عجينة ممكن تتمسك بالايد حطيها في علبة بلاستيك وغطيها ودخليها الثلاجة لحد ماتمسك.
طلعيها قطعيها وبالهنا والشفا.
كلها بتتعمل باليد.

خبز البيجلز

خبز البيجلز(خبز أمريكي)

*٤ كوب دقيق. ٣ كوب ماء دافئ. نص معلقة صغيرة خميرة.دا اسمه (بولش) 
تعجنيها مع بعض بمعلقة خشب بحيث انها تبقى سائلة شوية. تسيبيها تخمر ساعتين ثلاثة. 
* ٣ كوب دقيق عليه نص معلقة صغيرة خميرة. معلقتين صغيرة ملح. معلقة كبيرة سكر تعجنيها مع البولش اللي عملناه تعجنيها كويس اوي ومش محتاجة مهاية. 
تبقى معاكي عجينة طرية ومش بتلزق. سيبيها تخمر تاني. 
* بعد ماخمرت نعملها زي رول وأقسمها على ٦ قطع تقريبا. أكورها واعملها زي الكايزر بعدين اعمل فيها خرم من النص هي بتبقى طرية وحلوة. واسيبها تخمر تاني نص ساعة 
* اجيب حلة كبيرة فيها ماية بتغلي وفيها نص معلقة صغيرة بيكينج صودا ونص معلقة صغيرة ملح أحط فيها العيش ٣:٤ دقائق بيرجع يخمر ويكبر تاني في الماية. 
* في الوقت دا بتكوني فاتحة الفرن على درجة حرارة ٢٠٠
طلعي العيش على شبك ورشي عليه سمسم. حبة البركة. زعتر. زي ماتحبي. حطيها في صينية فرن وعلى الفرن لحد ما يتحمر حوالي ٢٥ دقيقة. 
طلعيه وبالهنا والشفا بيبقى مقرمش من برة وطري جداً من جوة.